Շաբաթական Լուրեր – 6 Յունիս 2014

 

ՃԱՇԿԵՐՈՅԹ Ի ՊԱՏԻՒ ՓՐՈՖ. ՓԻԹԸՐ ՔԱՈՒԻԻ

Կիրակի, 1 Յունիսի երեկոյեան, UCLA Համալսարանի Նարեկացիի Անուան Հայագիտական Ամպիոնի 45-ամեակին նուիրուած եւ միաժամանակ ի պատիւ Փրոֆ. Փիթըր Քաուիի 30-ամեայ ծառայութեան, ճաշկերոյթ տօնակատարութիւն մը տեղի ունեցաւ Լանտըն պանդոկի սրահին մէջ։

Ընդառաջելով Կազմակերպիչ Յանձնախումբի խնդրանքին, Առաջնորդ Սրբազանը խնդրամատոյց եղած էր Ն.Ս.Օ.Տ.Տ. Արամ Ա. Կաթողիկոսին, Հայրապետական Օրհնութեան Գիրով մը գնահատելու Փրոֆ. Փիթըր Քաուիին 30-ամեայ կրթական վաստակը։

Յանուն Առաջնորդ Սրբազան Հօր, Հոգշ. Տ. Պօղոս Աբղ. Թինքճեան ներկայ եղաւ ձեռնարկին եւ ընթերցեց Վեհափառ Հօր Օրհնութեան Գիրը։

Նորին Սրբութիւնը իր Հայրապետական Օրհնութեան Գիրին մէջ կը նշէր.-

“Մենք մօտէն ճանչցած ենք Տօքթ. Քաուին անցնող շուրջ երեսուն տարիներու ընթացքին։ Զինք ճանչցած ենք անձնապէս, զինք ճանչցած ենք նաեւ հայագիտութեան մարզէն ներս՝ իր աշխատասիրութիւններուն ճամբով։ Փրոֆ. Քաուին ո՛չ միայն պրպտող ու գրող հայագէտ դարձաւ, այլ նաեւ՝ ուսուցանող։ Այս առիթով մեր բարձր գնահատանքը կը յայտնենք Փրոֆ. Փիթըր Քաուիին հայագիտութեան իր մատուցած եզակի ծառայութեան համար։ Հետեւաբար, մեր գնահատանքին առընթեր, մեր սպասումն է որ Տօթք. Փիթըր Քաուին վերանորոգ նուիրումով շարունակէ իր այնքան կենսական աշխատանքը՝ թէ՛ որպէս բանասէր եւ թէ որպէս հայագէտներու նոր սերունդ պատրաստելու կոչուած ուսուցիչ”։

***

ՀՐԱՆԴ ՏԻՆՔ ԴԱՍԱԽՕՍԱԿԱՆ ՍՐԱՀԻ ՊԱՇՏՕՆԱԿԱՆ ԲԱՑՈՒՄ

Կազմակերպութեամբ Պոլսահայ Միութեան, Չորեքշաբթի, 4 Յունիսի երեկոյեան, պաշտօնական բացումը կատարուեցաւ Միութեան Հրանդ Տինք դասախօսական սրահին եւ զեկոյց մը ներկայացուեցաւ Հրանդ Տինքի Հիմնադրամի ծրագիրներուն մասին։

Յանուն Առաջնորդ Սրբազան Հօր, Արժ. Տ. Ռազմիկ Քհնյ. Խաչատուրեան ներկայ եղաւ ձեռնարկին եւ փոխանցեց Առաջնորդ Սրբազան Հօր օրհնութեան խօսքը։

***

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

Sempetmber 25, 2022 Sempetmber 18, 2022