Շաբաթական Լուրեր – 25 Մարտ 2016

Ս. ՅԱՐՈՒԹԵԱՆ ՏՕՆԻՆ ԱՌԱՋՆՈՐԴ ՍՐԲԱԶԱՆԸ ՊԻՏԻ ՊԱՏԱՐԱԳԷ ԿԼԵՆՏԷՅԼԻ Ս. ԱՍՏՈՒԱԾԱԾԻՆ ԵԿԵՂԵՑՒՈՅ ՄԷՋ

EasterphotoԿիրակի, 27 Մարտ 2016-ին, մեր Տիրոջ Յիսուս Քրիստոսի հրաշափառ Ս. Յարութեան տօնին առիթով, մեր ժողովուրդի զաւակները անգամ մը եւս աղօթքով պիտի համախմբուին մեր Թեմի եկեղեցիներու յարկին տակ, քրիստոնեայ եկեղեցւոյ մեծագոյն տօնը նշելու եւ զիրար ողջունելու »Քրիստոս յարեաւ ի մեռելոց« աւետիսով:

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան Ս. Պատարագ պիտի մատուցէ եւ Ս. Յարութեան տօնին խորհուրդը վեր առնող պատգամը պիտի փոխանցէ Կլենտէյլի Ս. Աստուածածին Եկեղեցւոյ մէջ։ Իսկ նախօրեակին, Շաբաթ, 26 Մարտին, Առաջնորդ Սրբազան Հայրը Ս. Յարութեան Ճրագալոյցին պիտի պատարագէ եւ պիտի քարոզէ Մոնթեպելլոյի Ս. Խաչ Տաճարին մէջ։

Երկուշաբթի, 28 Մարտին, Ս. Յարութեան մեռելոց յիշատակի օրը, Առաջնորդ Սրբազանն ու Թեմիս հոգեւորականաց դասու անդամներ հոգեհանգստեան արարողութիւն պիտի կատարեն Հոլիվուտ Հիլզի եւ Կլենտէյլի գերեզմանատուներուն մէջ, աղօթք բարձրացնելով մեր ժողովուրդի բոլոր ննջեցալներուն յիշատակին:

***

Ս. ՅԱՐՈՒԹԵԱՆ ՏՕՆԻՆ ԱՌԻԹՈՎ Ս. ՊԱՏԱՐԱԳ ԱՐԱՐԱՏ ՏԱՆ ՄԷՋ

Քրիստոսի Ս. Յարութեան տօնի ցնծութեան մեր տարեց սերունդի զաւակները մասնակից դարձնելու նպատակով, եւ համաձայն տարիներու աւանդութեան, Չորեքշաբթի, 30 Մարտի առաւօտուն, Առաջնորդ Սրբազան Հայրը եւ հոգեւորականաց դասու անդամներ պիտի այցելեն Արարատ Տան Միշըն Հիլզի հաստատութիւնը:

Հիւանդանոցի բաժինին մէջ աղօթքի պահէ մը եւ տօնին յատուկ արարողութենէն ետք, ժամը 10:30ին, Ս. Պատարագ պիտի մատուցուի հաստատութեան մատրան մէջ: Պիտի պատարագէ եւ պիտի քարոզէ Փասատինայի Ս. Սարգիս Եկեղեցւոյ հոգեւոր հովիւ Արժ. Տ. Պօղոս Քհնյ. Պալթայեան: Արարողութիւններէն ետք, հոգեւորականաց դասը ճաշով պիտի հիւրընկալուի Արարատ Տան պատասխանատուներուն կողմէ: Առաջնորդ Սրբազանը իր բարեմաղթութիւններն ու օրհնութիւնը պիտի փոխանցէ հաստատութեան հոգաբարձութեան, պաշտօնէութեան եւ բնակիչներուն:

***

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022