Շաբաթական Լուրեր – 16 Մայիս 2014

ԱԶԳ. ԵՐԵՍՓՈԽԱՆԱԿԱՆ ԺՈՂՈՎԻ 42-ՐԴ ՆՍՏԱՇՐՋԱՆԻ ԲԱՑՈՒՄ

IMG_0843Ուրբաթ, 16 Մայիսի յէտմիջօրէին, Արեւմտեան Թեմի Ազգ. Երեսփոխանական Ժողովի 42-րդ նստաշրջանի պաշտօնական բացումը տեղի ունեցաւ Ազգ. Առաջնորդարանի “Տիգրան եւ Զարուհի Տէր Ղազարեան” սրահին մէջ, նախագահութեամբ Թեմիս Բարեջան Առաջնորդ Բարձր. Տ. Մուշեղ Ս. Արք. Մարտիրոսեանի, եւ հիւրընկալութեամբ Կլենտէյլի Ս. Աստուածածին Եկեղեցւոյ հոգաբարձութեան։ Ժողովին իրենց մասնակցութիւնը բերին Թեմիս հոգեւոր հովիւները, Ազգ. Կեդրոնական Վարչութեան անդամներ, Կրօնական Ժողովի եւ Ազգ. Վարչութեան անդամները, Երեսփոխաններ, Հոգաբարձութեանց ատենապետներ եւ ներկայացուցիչներ, տնօրէններ եւ վարիչնեւ, եւ Խնամակալ Մարմնի ու CASPSի անդամներ։

Ժողովի բացումը կատարուեցաւ Առաջնորդ Սրբազան Հօր աղօթքով ու օրհնութեամբ։ Ժողովական աշխատանքները կ’երկարին Ուրբաթ, 16 Մայիս եւ Շաբաթ, 17 Մայիսին։

Մանրամասնութիւնները՝ յաջորդիւ։

***

ԳԵՐՇ. Տ. ՄԵՂՐԻԿ ԵՊՍ. ԲԱՐԻՔԵԱՆ
ԱՌԱՋՆՈՐԴ ՔԱՆԱՏԱՅԻ ԹԵՄԻ

MeghrigSerpazanՈւրբաթ եւ Շաբաթ, 9-10 Մայիսին, Քանատայի Թեմի Ազգ. Երեսփոխանական Ժողովը գումարուեցաւ Մոնթրէալի Ս. Յակոբ Առաջնորդանիստ Մայր եկեղեցւոյ մէջ, նախագահութեամբ Առաջնորդ Գերշ. Տ. Խաժակ Ս. Արք. Յակոբեանի։

Երեսփոխանական Ժողովի վերջին նիստին տեղի ունեցաւ Առաջնորդական ընտրութիւն։ Առաջնորդ ընտրուեցաւ Գերշ. Տ. Մեղրիկ Եպս. Բարիքեան։

Այս առիթով, յանուն Թեմիս հոգեւորականաց դասուն, Կրօնական Ժողովին եւ Ազգային Վարչութեան, Թեմիս Բարեջան Առաջնորդ Բարձր. Տ. Մուշեղ Ս. Արք. Մարտիրոսեան շնորհաւորական նամակ մը ուղղեց նորընտիր Առաջնորդին, մաղթելով յաջողութիւն, անսպառ կորով ու եռանդ իր նոր առաքելութեան մէջ։

***

ԱՌԱՋՆՈՐԴ ՍՐԲԱԶԱՆԸ ՊԻՏԻ ՀԱՆԴԻՍԱՊԵՏԷ
ԿԼԵՆՏԷՅԼԻ Ս. ԱՍՏՈՒԱԾԱԾԻՆ ԵԿԵՂԵՑՒՈՅ Ս. ՊԱՏԱՐԱԳԻՆ

GlendaleChurchԿիրակի, 18 Մայիսը Ս. Յարութեան տօնին յաջորդող հինգերրորդ Կիրակին է, տօն

Երեւման Ս. Խաչին։Առաջնորդ Սրբազանը պիտի հանդիսապետէ Կլենտէյլի Ս. Աստուածածին Եկեղեցւոյ Ս. Պատարագին եւ պիտի փոխանցէ իր պատգամը։

Արարողութենէն ետք, Սրբազանը պիտի նախագահէ եկեղեցւոյ Կիրակնօրեայ Վարժարանի ամավերջի հանդէսին եւ կատարէ վկայականաց բաշխում։

Իսկ կ.ե. ժամը 3-ին, Առաջնորդ Սրբազանը պաշտօնական բացումը պիտի կատարէ Վահան եւ Անուշ Շամլեան Ազգ. Վարժարանի “Յակոբ եւ Հիլտա Պաղտասարեան” մարզասրահին։

***

ՀԱՄԲԱՐՁՄԱՆ ՏՕՆԻՆ ԱՌԻԹՈՎ
Ս. ՊԱՏԱՐԱԳ ԵՒ ԱՒԱՆԴԱԿԱՆ ՃԱՇԿԵՐՈՅԹ

Hampartsoum--armenian_Layout-1Հինգշաբթի, 29 Մայիսը, մեր Տիրոջ Յիսուս Քրիստոսի Համբարձման տօնն է։

Տարիներու աւանդութեան համաձայն, Համբարձման տօնին առիթով, պիտի մատուցուի Ս. Պատարագ եւ տեղի պիտի ունենայ Ազգ. Առաջնորդարանի Տիկնանց Օժանդակ Մարմնի կազմակերպած աւանդական ճաշկերոյթը։

Առաւօտեան ժամը 10-ին, հանդիսապետութեամբ Առաջնորդ Սրբազան Հօր, Ս. Պատարագ պիտի մատուցուի Կլենտէյլի Ս. Աստուածածին եկեղեցւոյ մէջ։ Պիտի Պատարագէ եւ քարոզէ Արժ. Տ. Պօղոս Քհնյ. Պալթայեան։

Ճաշկերոյթը տեղի պիտի ունենայ Կլենտէյլի “Renaissance” ճաշասրանին մէջ, ժամը 11։30էն սկսեալ, հովանաւորութեամբ եւ ներկայութեամբ Առաջնորդ Սրբազան Հօր։

Հիւրընկալն է Ազգ. Առաջնորդարանի բարերարուհիներէն՝ Տիկին Նուէր Սամուէլեան։

Յաւելեալ տեղեկութեանց համար կարելի է հեռաձայնել Ազգային Առաջնորդարան։

***

ՀԱՄԱՀԱՅԿԱԿԱՆ ԱՍՄՈՒՆՔԻ ԱՌԱՋԻՆ ՄՐՑՈՅԹ
ԱԶԳ. ԱՌԱՋՆՈՐԴԱՐԱՆԻՆ ՄԷՋ

ՀPoetryCompetition2ովանաւորութեամբ Ազգ. Առաջնորդարանին, համագործակցութեամբ Հայաստանի Հանրապետութեան Լոս Անճելըսի Գլխաւոր Հիւպատոսութեան, եւ կազմակերպութեամբ Ազգ. Վարժարաններու Խնամակալ Մարմնի, “Աւան Շուշի Փլազա” Հիւրանոցի Տնօրէնութեան, “Ասպարէզ” օրաթերթի եւ “Հորիզոն” հեռուստակայանի, Շաբաթ, 10 Մայիսին, Քալիֆորնիայի Վարժարաններու Համահայկական Ասմունքի Առաջին Մրցոյթը տեղի ունեցաւ Ազգ. Առաջնորդարանի “Տիգրան եւ Զարուհի Տէր Ղազարեան” սրահին մէջ։

Մրցոյթին իրենց մասնակցութիւնը բերին 11 հայկական վարժարաններէ 4-րդէն մինջեւ 12-րդ դասարաններու աշակերտներ։ Իւրաքանչիւր խմբակի լաւագոյն երեք ասմունքողները ստացան համապատասխան նուէրներ եւ վկայագիրներ:

***

ԱՌԱՋՆՈՐԴ ՍՐԲԱԶԱՆԸ ՆԵՐԿԱՅ ԵՂԱՒ
ՇՈՒՇԻԻ ԱԶԱՏԱԳՐՄԱՆ 22-ԱՄԵԱԿԻ ՏՕՆԱԽՄԲՈՒԹԵԱՆ

Shushi-Liberation2Ուրբաթ, 9 Մայիսի երեկոյեան, Յաղթանակի Օրուան եւ Շուշիի ազատագրման 22-ամեակի նուիրուած տօնախմբութիւն մը տեղի ունեցաւ Լոս Անճելըսի Քաղաքապետարանին մէջ, հիւրընկալութեամբ՝ Քաղաքապետարանի անդամ Փօլ Գրիգորեանի, Հայ Դատի Յանձնախումբի, Ուաշինկթընի Լեռնային Ղարաբաղի Հանրապետութեան Գրասենեակի, եւ Լոս Անճելըսի Հայաստանի Հանրապետութեան Գլխաւոր Հիւպատոսութեան։ Առաջնորդ Սրբազանը ներկայ եղաւ ձեռնարկին։ Սրբազանին կ’ընկերանար Հոգշ. Տ. Պօղոս Աբղ. Թինքճեան։

***

Print Friendly, PDF & Email

ՎԵՐՋԻՆ ԼՈՒՐԵՐ

Առաջնորդ Սրբազան Հօր Ս. Զատկուան Պատգամը

ԱՄԵՆԱԼՈ՜ՅՍ ՊԱՅԾԱՌ ԿԻՐԱԿԻՆ Կիրակիները, արեգակնային դրութեան ճշգրտութեամբ, կը յաջորդեն իրարու: Բայց Կիրակին այն, որուն կը սպասեն երկիր ու մարդկութիւն, Կիրակին,... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

August 7, 2022 July 31, 2022