Շաբաթական Լուրեր – 30 Մայիս 2014

ԱՌԱՋՆՈՐԴ ՍՐԲԱԶԱՆ ՀԱՅՐԸ ԿԸ ՄԵԿՆԻ ՎԱՏԻԿԱՆ

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան այս շաբաթավերջին պիտի մեկնի Վատիկան, միանալու համար Մեծի Տանն Կիլիկիոյ գահակալ Ն.Ս.Օ.Տ.Տ. Արամ Ա. Կաթողիկոսին, որ իր առաջին պաշտօնական այցելութիւնը պիտի տայ Նորին Սրբութիւն Ֆրանսիս Պապին։

Նորին Սուրբ Օծութեան նշանակած պատուիրակութեան մաս կը կազմեն Մեծի Տանն Կիլիկիոյ Կաթողիկոսութեան Թեմերու Առաջնորդներ եւ ազգայիններ։

Այցելութիւնը տեղի պիտի ունենայ Յունիս 3էն 6, 2014ին։

Առաջնորդ Սրբազան Հօր պիտի ընկերանայ Արեւմտեան մեր Թեմի ազգայիններէն բաղկացած պատուիրակութիւն մը։

***

ՀԱՆՐԱՊԵՏԱԿԱՆ ՄԱՂԹԱՆՔ ԵՒ ԵՌԱԳՈՅՆ ԴՐՕՇԻ ՕՐՀՆՈՒԹԻՒՆ

photo-2Հայաստանի անդրանիկ հանրապետութեան հիմնադրութեան 96րդ տարեդարձն առիթով, Կիրակի, 25 Մայիսին, Առաջնորդ Սրբազան Հօր տնօրինումով, Հանրապետական Մաղթանք եւ Հայկական Եռագոյն Դրօշի օրհնութեան արարողութիւն կատարուեցաւ Արեւմտեան Թեմի եկեղեցիներուն մէջ։

Յաւարտ Ս. Պատարագի, յատուկ հոգեհանգիստ կատարուեցաւ Սարդարապատի, Ղարաքիլիսէի, Բաշ Ապարանի եւ Հանրապետութեան կերտումին համար մղուած բոլոր հերոսամարտերուն զոհուած նահատակներուն յիշատակին։

Առաջնորդ Սրբազանը հանդիսապետեց Փասատինայի Ս. Սարգիս եկեղեցւոյ Ս. Պատարագին, նախագահեց Հանրապետական Մաղթանքի արարողութեան ու հոգեհանգստեան պաշտօնին եւ փոխանցեց օրուան խորհուրդը ներկայացնող իր պատգամը։

***

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

Sempetmber 25, 2022 Sempetmber 18, 2022