Ազգ. Առաջնորդարանը Հրատարակեց Ժագ Ս. Յակոբեանի «Ոսկեհոս Ջրվէժ» Հատորը


Ազգային Առաջնորդարանը Դեկտեմբեր 2015-ին հրատարակեց բանաստեղծ եւ դաստիարակ Ժագ Ս. Յակոբեանի նորագոյն հատորը՝ «Ոսկեհոս Ջրվէժ», որ հաւաքածոյ մըն է հոգեւոր խորհրդածութիւններու եւ չափածոյ ու արձակ ստեղծագործութիւններու։

Հատորին ներածականը գրած է Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան, որ դրուատիքով եւ օրհնութեամբ կ’անդրադառնայ բանաստեղծին վաստակին. ան կը նշէ, որ «կեանքի փորձառութիւններով հարստացած եւ սպիտակահեր, սակայն հոգիով ու միտքով մի՛շտ երիտասարդ՝ բանաստեղծ, մտաւորական ու Աստուծոյ հաւատարիմ ծառայ Ժագ Ս. Յակոբեանի հետ Արեւմտեան Թեմի Ազգային Առաջնորդարանիս գործակցութիւնը նոր հատորով մը կ’ուռճանայ այս հրատարակութեամբ, որուն համար առաջին հերթին փառք կու տանք Աստուծոյ, յետոյ՝ շնորհակալ ենք ալեհեր ծերունազարդ, բայց տակաւին կայտառ եւ եռանդուն բանաստեղծին»:

Ան կը նկատէ, որ բանաստեղծին գրիչը շուրջ ութ տասնամեակներէ ի վեր ի սպաս դրուած է հայ մշակոյթին, հարստացուցած է մեր յետ-եղեռնեան սփիւռքահայ գրականութիւնը, իսկ վերջին երկու հատորները, երկուքն ալ Ազգային Առաջնորդարանիս կողմէ հրատարակութեան արժանացած, լոյս աշխարհ եկան Ցեղասպանութեան 100-ամեակին առիթով, դառնալով է՛ապէս քրիստոնեայ եւ ուղն ու ծուծով հայ այս հայորդիին ներաշխարհին եւ մտածումներուն հարազատ հայելին։

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

Sempetmber 25, 2022 Sempetmber 18, 2022