Արեւմտեան Թեմի Ազգային Երեսփոխանական Ժողովի 42րդ նստաշրջանի նախօրեակին, 16-17 Մայիս 2014-ի շաբաթավերջին, Ազգային Առաջնորդարանի հրատարակութեամբ, լոյս տեսաւ Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի քարոզներու ու պատգամներու անգլերէն հատորը՝ “A Collection of Spiritual Reflections”։ Գիրքի հրատարակութիւնը իրականացաւ Արեւմտեան Թեմի գլխաւոր բարերարներ՝ “Գարոլան Ընտանիքի Հիմնարկութեան” մեկենասութեամբ եւ ձօնուած է “Հայ Տարեցներու Տարուան”։
Գրքին մէջ տեղ գտած են Առաջնորդ Սրբազան Հօր Եպիսկոպոսական օծումէն՝ 1997-էն մինչեւ օրս գրուած ու ներկայացուած քարոզներէն ու պատգամներէն փունջեր։ Անոնք կþընդգրկեն Ս. Ծննդեան, Ս. Զատկուան, Ապրիլ 24-ի եւ ազգային տօներու առթիւ տրուած պատգամներ, յատուկ առիթներով գնահատականներ, եւ օրհնութեան խօսքեր ուղղուած մեր երիտասարդութեան, ուսանողներուն, աշակերտութեան եւ գաղութիս կազմակերպութիւններուն։
