Հիւսիսային Ամերիկայի Արեւմտեան Թեմը Կ’ողջունէ Հայոց Ցեղասպանութեան Բանաձեւին Որդեգրումը Ա.Մ.Ն. Ծերակոյտին Կողմէ

Հինգշաբթի, 13 Դեկտեմբեր 2019-ն պատմական օր եղաւ հայ ժողովուրդին համար. Ա.Մ. Նահանգներու Ծերակոյտը առաջին անգամ ըլլալով եւ միաձայնութեամբ որդեգրեց Հայոց Ցեղասպանութիւնը ճանչցող թիւ 150 բանաձեւը։ Հոկտեմբեր ամսուն, Ա.Մ.Ն. Ներկայացուցիչներու Տունը որդեգրած էր նոյնատիպ բանաձեւ մը, որ պաշտօնապէս կը մերժէր Հայերու, Յոյներու, Ասորիներու, Քաղդէացիներու, Արամէացիներու, Մարոնիներու եւ այլ Քրիստոնեաններու դէմ թուրք պետութեան իրագործած եւ ապա ժխտած ցեղասպանութիւնը, ինչպէս նաեւ կը խրախուսէր հանրութեան մօտ Հայոց Ցեղասպանութեան ըմբռնումն ու տարածումը՝ ժամանակակից վայրագութիւնները կանխելու համար։

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան, Կրօնական Ժողովն ու Ազգային Վարչութիւնը, երախտագիտական զգացումներով կ’ողջունեն Ամերիկայի Միացեալ Նահանգներու Ծերակոյտին այս արդար քայլը, որ նաեւ մարդկային իրաւանց նոր յաղթանակ մըն է, եւ կը գնահատեն Հայ Դատի յանձնախումբը, բոլոր մարմիններն ու կամաւորները, որոնց տասնամեակներու վրայ երկարող անդադրում ջանքերուն արգասիքն է այս իրագործումը, յուսալով, որ Սպիտակ Տունը եւս պաշտօնապէս կը ճանչնայ Հայոց Ցեղասպանութիւնը։

Print Friendly, PDF & Email

ՎԵՐՋԻՆ ԼՈՒՐԵՐ

Ուսումնական 2021-2022 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Հովուական գուրգուրանքով եւ հայրական ջերմ սիրով Արեւմտեան Թեմի Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը,... [...]

Կոչ Լիբանանահայութեան Զօրակցութեան

Ն.Ս.Օ.Տ.Տ. Արամ Ա. Վեհափառ Կաթողիկոսի՝ լիբանանահայութեան զօրավիգ կանգնելու համար մեզի ուղղուած կոչին ընդառաջ, այսու պաշտօնապէս բացուած կը յայտարարենք մեր նախագահութեամբ... [...]

2021 – Արցախի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց, եւ մեր ժողովուրդի զաւակներուն 2021 տարուան սեմին, Մեծի Տանն Կիլիկիոյ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

September 19, 2021 September 12, 2021