Տարեցներու Տարուան Յատուկ Յիշատակում Ս. Աստուածածին Եկեղեցւոյ Հսկումի Արարողութեան Ընթացքին


Ուրբաթ, 28 Մարտ 2014-ի երեկոյեան, Թեմիս Բարեջան Առաջնորդ Բարձր. Տ. Մուշեղ Ս. Արք. Մարտիրոսեան հանդիսապետեց Կլենտէյլի Ս. Աստուածածին Եկեղեցւոյ Հսկումի արարողութեան եւ իր պատգամը փոխանցեց:

Նկատի ունենալով, որ Ն.Ս.Օ.Տ.Տ. Արամ Ա. Կաթողիկոս 2014 տարին հռչակած էր “Տարեցներու Տարի”, նախաձեռնութեամբ Կիրակնօրեայ Վարժարանի Տնօրէնութեան ու ուսուցչական կազմին, եւ մասնակցութեամբ Կիրակնօրեայի աշակերտութեան,  իրագործուեցաւ “Տարեցներու Տարուան” նուիրուած իւրայատուկ ու տպաւորիչ ծրագիր մը՝ հոգեւոր, ուրախ մթնոլորտի մէջ։ Արարողութեան ներկայ էր հաւատացեալներու հոծ բազմութիւն մը։

3DSC02863Եկեղեցւոյ հոգեւոր հովիւներուն ու Հոգաբարձութեան հետ համախորհուրդ,  Կիրակնօրեայ Վարժարանի տնօրէնութիւնը բարի մտածումը ունեցած էր Հսկումի արարողութեան ընթացքին առիթ տալու ութ մեծ մայրերու եւ մեծ հօր մը, դպիրի շապիկներր հագած, դէմ առ դէմ կանգնած, փոխն ի փոխ ընթերցելու Ս. Ներսէս Շնորհալիին “Հաւատով Խոսովանիմ ” աղօթքը։

Ընթերցումի աւարտին, խօսք առաւ Կիրանօրեայ Վարժարանի տեսուչ՝ տիար Յակոբ Ջաղացպանեան։ Ան անդրադարձաւ Վեհափառ Հայրապետի 2003 թուականին սկսած գեղեցիկ աւանդութեան, որ իւրաքանչիւր տարի կը ձօնէ մեր ժողովուրդի կեանքին հետ աղերս ունեցող արժէքի մը, մեր եկեղեցւոյ պայծառութեան ու մեր հայրենիքի հզօրացման համար: Իր խօսքը շարունակելով, ան ըսաւ.- “արձագանգելով Վեհափառ Հայրապետի կոչին, Ս. Աստուածածին եկեղեցւոյ Կիրակնօրեայ Վարժարանն ալ ուզեց իր մասն ու բաժինը ունենալ մեր տարեցները յարգելու ուղղութեան մէջ։ Ու որպէս երէց սերունդներու ներկայացուցիչներ, հրաւիրեցինք այն մեծ ծնողները, որոնք իրենց զաւակները ու նաեւ իրենց թոռները կիրակնօրեայ առաջնորդելով յանձնած են Քրիստոնէական դաստիարակութեան”:

Ապա՝ հոգեւոր խորհրդածութենէն ետք, Առաջնորդ Սրբազան Հայրը իր պատգամը փոխանցեց ներկաներուն։ Մէջբերումներ կատարելով Վեհափառ Հայրապետի խօսքերէն, Սրբազանը իր գնահատանքի խօսքը ուղղեց Կիրակնօրեայի ուսուցչական կազմին, աշակերտութեան, ծնողներուն, մեծ ծնողներուն ու համայն հաւատացեալներուն:

Իր խօսքի աւարտին, Սրբազան Հայրը թելադրեց մեծ ծնողներուն, որ իրենց բարեմաղթութիւնները, ուղղութիւնները, թելադրութիւնները, աղօթքներն ու սրտի խօսքերը գրաւոր ուղղեն թոռնիկներուն, որպէսզի զանոնք ի մի հաւաքելով գեղեցիկ փունջ մը կազմուի եւ գրքոյկ մը հրատարակուի,  նուիրուած “Տարեցներու Տարուան”, ինչպէս անցեալ տարի իրականացաւ նման ծրագիր մը “Հայ Մօր Տարուայ” առթիւ, երբ Ազգ. Առաջնորդարանը հրատարակեց աշակերտական մաղթանքներու եւ աղօթքներու յատուկ գրքոյկ մը։

Երեկոն իր աւարտին հասաւ Առաջնորդ Սրբազան Հօր “Պահպանիչ” աղօթքով:

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022

ԼՈՒՐԵՐՈՒ ԱՐԽԻՒ