Skip to main content
search


Honored guests and dear friends,

With grateful hearts we thank God for the blessing of another year and for granting us the joy of this evening to collectively celebrate the dawn of a new year and the Birth of our Lord Jesus Christ, to exchange well wishes to one another and to joyfully proclaim, Christ is Born and Revealed, good tidings to all.

With fatherly love and blessings I greet you on this special occasion, at what has become a beautiful and much-loved tradition within our Prelacy. Today marks a special anniversary personally as it is the 20th year we are gathering here at this dinner since I began my tenure as Locum Tenens and Prelate. I thank you all for joining us tonight and for your continued support year after year.

I would like to take a moment to acknowledge the presence of our distinguished guests, and our devoted sponsors, in particular Mr. and Mrs. Alex and Arda Yemenidjian for their generosity in hosting this year’s dinner. Thank you Alex and Arda for your enduring support. We thank all of the evening’s sponsors, whose names can be found in the booklet provided on your tables. We are happy to introduce our newest sponsors, Mr. and Mrs. Gaydzag and Anahid Ohanessian, who at the threshold of the New Year surprised us with a generous donation of $60,000 toward the pursuit of our national demands under the auspices of the Holy See of Cilicia. Their gesture is yet another beautiful example of our community’s dedicated support and encouragement of our endeavors and mission. It is the first of what we hope will be many contributions to the Holy See of Cilicia as it legally pursues the return of the historic Catholicosate of Sis from Turkey.

We have neared the end of yet another successful and joyful evening, a most blessed evening celebrating the Birth and Revelation of our Lord Jesus Christ. Today we celebrated the manifestation of God as a baby in a humble manger in Bethlehem, Who came to be the king of our hearts, to show us a new and better way to live, to take on our sin and grant us eternal life. Glory to God in the Highest for this greatest gift of all, for the great and marvelous mystery which was revealed to mankind by the angels’ tidings, proclaiming peace, harmony, goodwill, love, and righteousness. Tonight, the spirit of Christmas brought warmth and gladness to our hearts. As we return to our homes, let us take this spirit with us and spread the love and peace of our Lord within our families and communities.

***

Dear loved ones,

The start of every New Year is a chance to look back on the previous year, to reflect on the good and the bad. For some, it was a year filled with joy and successes. For others, it was a difficult year, filled with challenges and the pain of losing loved ones. We share in both the joy and sorrows of our friends. Tonight we have with us friends who recently lost family members. We empathize with their pain and express our condolences once again, praying for the souls of their relatives and for the Holy Spirit to grant comfort in their mourning.

We usually take this opportunity to provide you an overview of the previous year’s endeavors of our Prelacy, our parishes, and schools. However, given that we stand at a historic crossroads, the 100th anniversary of the Armenian Genocide, we will focus instead on what is to come in the year 2015. The time has come to implement our plans and projects. The work to be done is monumental, and so, we must band together, joining our hands and resources, to overcome what obstacles may come our way. As always, we have the indispensable leadership and guidance of our Pontiff, His Holiness Catholicos Aram I to lead our efforts. In 2014, we heeded the proclamation of His Holiness and honored our elders through a number of events and undertakings. This year, the Pontifical Encyclical of His Holiness dedicated to the 100th anniversary of the Genocide will be our guidebook. I take this opportunity to once again express our utmost thanks and appreciation to our beloved Pontiff, whose message and blessings you received earlier.

Five decades ago, the 50th anniversary of the Armenian Genocide heralded a new age in our pursuit of recognition and reparations. The 100th anniversary signals a turning point which will be marked by the motto “remember and demand”. Approximately two months ago, we participated in the Bishops’ Synod in St. Etchmiadzin, the second in modern time, presided over jointly by His Holiness Karekin II and His Holiness Aram I. The Synod came to an epic decision, to collectively canonize our 1.5 martyrs. The historic ceremony will be conducted on April 23rd in St. Etchmiadzin, in the presence of religious, government, and community leaders from around the world. In memory of our martyrs, church bells worldwide will toll 100 times, proclaiming to the world that the Armenian people remembers our martyrs and demands that which was unlawfully taken from us.

In May, a national commemoration encompassing various events will be held in Washington D.C., headed by our two Pontiffs and with the participation of the President of Armenia. In the Vatican and elsewhere, special masses will be conducted honoring the memory of our martyrs. On July 18, His Holiness Aram I will conduct the blessing of Muron in Bikfaya, at the Genocide memorial monument erected 50 years ago. Pilgrimages will be organized so that Armenians from across the globe, and from our Prelacy as well, will have the opportunity to participate in the moving ceremonies in Bikfaya and Antelias, where stands a chapel housing the remains of our martyrs, the first Armenian Genocide memorial in the world. We will vow also to rebuild the monument in Der Zor which was savagely destroyed in recent months.

These are just a few of the many commemorations planned, nationally and locally. There is also civil action underway, which necessitates the collective support of our people. You all know the initiative of the Holy See of Cilicia to pursue the return of church properties belonging to the Armenian people. This effort received a major boost recently when the U.S. Congress passed a resolution demanding that Turkey return stolen Christian properties. As noted earlier, the Holy See of Cilicia will soon be taking concrete steps to demand the return of the Catholicasate of Sis from Turkey. This colossal endeavor requires tremendous resources, and can only succeed with the generous support of the Armenian people. It is our national duty to contribute all that we can to this crucial cause dear to us all. Our martyrs made the ultimate sacrifice to preserve our faith, our language, and heritage. Let us honor their sacrifice and be worthy of being called their heirs through our sacrifice, to bring justice and peace to their souls.

Dear members of the Prelacy family,

Centuries ago our Lord Jesus Christ was born into this world to bring faith, love, and goodwill to mankind. His earthly life culminated in His ultimate sacrifice on the Cross, but Jesus conquered death and lives forevermore in our hearts. We, the Armenian people, became followers of Jesus and His Word from early on; we submitted ourselves as a nation to His will and followed the way of life He paved for us. We have had more than our share of trials and tribulations, the greatest of which occurring one hundred years ago. But we did not stray from the way of the Cross. We placed our faith and our hope in our Lord and Savior, Who came to bring justice and righteousness to the world, and we rose again. No matter the challenges of tomorrow, we will rise again and again.

On this blessed occasion, once again we extend our warmest wishes to you all, praying for the Lord to grant peace to the world, wisdom to its leaders, and courage to take on and overcome challenges. We pray especially for the Middle East, for the safety of our brothers and sisters in Syria, Lebanon, and Iraq and for all the innocent citizens caught in the crossfire of unending strife.

May the baby Jesus be born in our hearts every day, filling our lives with His joy and peace. May the love and mercy of our Lord inspire goodwill among man, and may the Sun of Justice illuminate our path toward righteousness. Glory to God in the Highest; happy New Year to all, Christ is Born and Revealed.

Archbishop Moushegh Mardirossian Prelate, Western United States January 6, 2015


Հոգեւոր եղբայրներ, Your Excellency Consul General of Lebanon Johnny Ibrahim and Mrs. Maya Ibrahim, մեծայարգ ներկայացուցիչ Հ.Յ.Դ. Կեդր. Կոմիտէի եւ անդամներ, Ազգ. Կեդրոնական Վարչութեան, Թեմիս Ազգ. Վարչութեան եւ կրթական համակարգի անդամներ, տնօրէններ, մեր նուիրական կազմակերպութեանց, միութեանց եւ մամուլի ներկայացուցիչներ, ծխական շրջաններու հոգաբարձութեանց եւ երեսփոխանական կազմի անդամներ, սիրելի բարերարներ ու բարեկամներ Ազգային Առաջնորդարանի եւ սիրելի հարազատներ,

Ամանորի եւ Ս. Ծննդեան բերկրառիթ տօներուն առթած ցնծութեամբ, փառք կու տանք ամենակալ Աստուծոյ, Իր պարգեւած բարիքներուն, եւ անգամ մը եւս կը շնորհաւորենք Ձեզ, մաղթելով շնորհաւոր Նոր Տարի, Քրիստոս ծնաւ եւ յայտնեցաւ, Ձեզ եւ մեզ մեծ աւետիս:

Քրիստոնէական ջերմ սիրով կ’ողջունեմ բոլորդ, աշխարհի մեծագոյն աւետիսը պարգեւող այս տօնին առիթով, եւ սրտի անհուն գոհունակութեամբ կը յայտնեմ, որ այս երեկոյ, Արեւմտեան մեր Թեմի Առաջնորդական Տեղապահի եւ Առաջնորդի իմ առաքելութիւնս ստանձնելէ ի վեր, 20րդ անգամ ըլլալով է որ համախմբուած ենք ընթրիքի այս երեկոյին, պահպանելով բարի աւանդութիւնը, որուն տարուէ տարի ունեցած յաջողութիւնը կը պարտինք ձեզի:

Մանկացեալ Աստուածորդւոյն Ս. Ծննդեան խորհուրդներով տոգորուած՝ կ’ողջունեմ մեր բարերարները, մասնաւորաբար մեր այս երեկոյի գլխաւոր հովանաւոր բարերար ընտանիքը՝ Տէր եւ Տիկին Ալեքս եւ Արտա Եմենիճեանը, որուն վաստակն ու նուիրաբերումը մեր ծառայական կեանքին՝ կերտած է իր պատմութիւնը եւ գնահատելի է: Կ’ողջունեմ նաեւ տարիներու մեր զօրակից հովանաւորները, որոնց անունները արձանագրուած են ձեր սեղաններուն վրայ դրուած գրքոյկներուն մէջ: Կ’ուզեմ ուրախութեամբ ձեզի ծանօթացնել մեր նորագոյն բարերարներէն՝ Տիար Կայծակ Օհաննէսեանը, որ տարեվերջի օրերուն, մեզ գեղեցիկ եւ յուզիչ անակնկալի մը առջեւ դրաւ եւ իր կողակիցին՝ Անահիտի հետ 60,000 տոլարի առատաձեռն նուիրատուութեամբ մը սկիզբ դրաւ Ազգային Առաջնորդարանիս իր բարերարութեան, հաւաստելով, որ ասիկա առաջին քայլ մըն է իր կողմէ հաստատուող աւանդութեան: Օհաննէսեան ընտանիքին այս նուիրաբերումը նորագոյն վկայութիւն մըն է Ազգ. Առաջնորդարանիս վայելած զօրակցութեան, վստահութեան ու քաջալերանքին: Շնորհակալութիւն, Կայծակ եւ Անահիտ: Ուրախ եմ յայտարարելու, որ այս բարերարութեամբ բացումը կը կատարուի նուիրահաւաքի մեր այն աշխատանքներուն, որոնք պիտի տրամադրուին Սիսի Կաթողիկոսարանին վերատիրացման նպատակով Թուրքիոյ դէմ բացուելիք դատի նիւթական կարիքներուն:

Եւ ահա, Ս. Ծննդեան մեր աւանդական այս երեկոն ալ իր աւարտին կը հասցնենք ցնծութեան մթնոլորտի մէջ, Ազգային Առաջնորդարանիս նուաճումներու շարքին նոր օղակ մը աւելցուցած ըլլալու բերկրանքով, նուաճումներ՝ որոնց իրականացման մէջ մենք ու Թեմիս ժողովականութիւնը առանձին չենք բարեբախտաբար, այլ Ձեր ու Ձեզի նման ազնիւ ազգայիններու զօրակցութիւնը կը վայելենք տարուան իւրաքանչիւր օրուան ընթացքին, մեր բոլոր ծրագիրներուն իրականացման ճամբուն վրայ։ Այս ձեռնարկը լաւագոյն վկայութիւնն է։

Այս երեկոյ, իբրեւ զաւակները Հայաստանեայց Առաքելական Ս. եկեղեցւոյ եւ իբրեւ հաւատացեալ քրիստոնեաներ, կ’ապրինք ցնծութեան ու հրճուանքի իւրայատուկ պահ մը, տօնելով մեր Փրկչին Ս. Ծնունդը եւ աստուածայայտնութիւնը։ Կը յիշենք, որ Յիսուս Մանուկը աշխարհ եկաւ Բեթղեհէմի համեստ մսուրին մէջ, որպէսզի դառնայ մեր հոգիներուն թագաւորը, որպէսզի մարդկութեան դիմաց բանայ աստուածահաճոյ կեանքի ուղի մը, որպէսզի իր ուսերուն վերցնէ մեր մեղքերը եւ մեզի համար զոհուելով՝ հաւատացեալներուս ընծայէ յաւիտենական կեանք։ Ահա թէ ինչո՛ւ այս տօնին, բոլորս կ’երգենք “Փառք ի բարձունս Աստուծոյ”, որովհետեւ գիտենք, որ Աստուածորդւոյն ծնունդը մեծ եւ սքանչելի խորհուրդ մըն է, Գերագոյն Հօր կողմէ մեզի՝ զաւակներուս տրուած անսպառ պարգեւներու ամբողջութիւն մը։ Կը կրկնենք հրեշտակներուն երգերով մարմնաւորուած Մեծ Աւետիսը, որ մարդկութեան կը պատգամէ խաղաղութիւն, հաճութիւն, եղբայրական սէր եւ առաքինի կեանք, իւրաքանչիւր տարեմուտը կը վերածէ նոր արշալոյսի, աստուածահաճոյ գործերու նոր մեկնակէտի:

Ուրեմն, սիրելիներ, երբ այս սրահէն մեկնելէ առաջ անգամ մը եւս զիրար շնորհաւորենք “Քրիստոս ծնաւ եւ յայտնեցաւ” աւետիսով, մեր հոգիներուն մէջ վերստին ապրինք “Խորհուրդ մեծ եւ սքանչելի” շարականին պատգամը, ուխտենք ըլլալ խաղաղութեան դրօշակիրներ, սիրոյ, հաճութեան առաքեալներ, տոգորուինք նուիրաբերելու այն ոգիով, որ նոր իմաստ եւ խորք ստացաւ Աստուածորդւոյն ծնունդով, Բեթլեհէմի վերեւ փայլած աստղին մնայուն խոստումով։

“Փառք ի բարձունս Աստուծոյ, եւ յերկիր խաղաղութիւն, ի մարդիկ հաճութիւն”։

***

Սիրելիներ,

Նոր տարի մը թեւակոխելու այս օրերուն, ընդհանրապէս կը յիշենք աւարտող տարեշրջանի փայլուն ու մութ օրերը: Արդարեւ, անցեալ տարին շատերուս համար եղաւ յաջողութեան եւ ուրախութեան շրջան, իսկ ուրիշներու համար պատճառեց սուգ ու տխրութիւն: Ցնծութեան բաժնեկից ըլլալը հաճելի է, սակայն նաեւ պէտք է ցաւակից ըլլալ սգաւորներուն ու տխրութեան պահեր ապրողներուն, աղօթելով, որ ամենաբարին Աստուած լուսաւոր պահէ մեզմէ առյաւէտ հեռացողներուն յիշատակը եւ հարազատներուն պարգեւէ Ս. Հոգւոյ մխիթարութիւնը: Սգաւոր հարազատներ ունինք նաեւ այստեղ. անգամ մը եւս կը յայտնենք մեր խորազգաց ցաւակցութիւնները:

Բարի աւանդութիւն է, որ տարեմուտի օրերուն տեղի ունեցող աւանդական այս ընթրիքի երեկոյին, հակիրճ կերպով անդրադառնանք պատմութեան անցնող տարուան կարգ մը իրադարձութիւններուն եւ այս ծիրին մէջ հպանցիկ ակնարկ մը նետենք Ազգային Առաջնորդարանիս աշխատանքներուն վրայ։ Այս տարի, սակայն, ընկալեալ այդ աւանդութիւնը լիովին պիտի չպահենք, ո՛չ թէ տարուած աշխատանքը լուսանցքի վրայ պահելու մօտեցումով, այլ որովհետեւ կը կանգնինք պատմական անկիւնադարձի մը առջեւ։ 2015ը Ցեղասպանութեան 100ամեակի տարին է։ Հայաստանէն մինչեւ սփիւռքեան հայօճախներ, մինչեւ Արեւմտեան մեր Թեմը, լծուած ենք այս հանգրուանին նախապատրաստական աշխատանքներուն։ Եւ ահա, հասած ենք ծրագիրներու իրագործման սեմին, յառաջիկայ տարի եւ այնուհետեւ, ունինք հսկայական աշխատանք, որուն գլխաւոր գիծերը կ’ուզենք սա պահուն լուսարձակի տակ բերել, որպէսզի մեր ձեռքերն ու կարողութիւնները միացնենք, դիմագրաւելու համար ազնիւ մարտահրաւէրները։

Ինչպէս միշտ, այս հանգրուանին եւս, Ս. Աթոռոյս գահակալ Ն.Ս.Օ.Տ.Տ. Արամ Ա. Կաթողիկոսի հայրական յորդորները պիտի ծառայեն իբրեւ ուղեցոյց։ 2014ին, ընդառաջելով Վեհափառ Հայրապետի պատգամին, նշեցինք Տարեցներու Տարին, մեր սէրն ու յարգանքը մատուցեցինք մեր երէց սերունդին, որուն սերմանած բարիքները կը վայելեն իրերայաջորդ սերունդներ, հաւատարմութիւն յայտնելով քրիստոնէական ու հայկական մեր աւանդներուն, արժէքներուն եւ դարաւոր ժառանգութիւններուն։ Սա պահուն, բոլորիդ անունով, իբրեւ մէկ խոնարհ եւ ուխտապահ զաւակը մեր եկեղեցւոյ ու Կիլիկեան Ս. Աթոռին, կ’ուզեմ անգամ մը եւս շնորհակալութիւն եւ երախտագիտութիւն յայտնել մեր Վեհափառ Հայրապետին՝ Տ. Տ. Արամ Ա. Կաթողիկոսին, որուն բարեմաղթութիւններուն ու յորդորներուն ականջալուր եղանք այս երեկոյ։ Ն.Ս. Օծութեան պատգամին ընդառաջելով պիտի շարունակենք առաւել կազմակերպուածութեամբ, պահանջատիրութեան ոգիով, եւ միասնականութեան ուխտով մեր առաքելութիւնը ընծայաբերել յանուն մեր ազգային վեհ նպատակներուն։

Ցեղասպանութեան 100ամեակը պատմական քայլերով պիտի արձանագրուի մեր նորագոյն պատմութեան մէջ։ ինչպէս որ 50 տարի առաջ, Յիսնամեակը հիմնական շրջադարձութիւն բերաւ մեր պահանջատիրութեան ու պայքարի երթին, նոյնպէս ալ 100ամեակը պիտի նշէ նոր մեկնակէտ, որուն գլխաւոր խորագիրները պիտի ըլլան յիշել նահատակները, խոնարհիլ անոնց յիշատակին, վերանորոգել անոնց կտակին հաւատարմութեան ուխտը, բայց մանաւանդ յիշեցնել ու պահանջել մեր անսակարկելի իրաւունքներուն իրականացումը, որ մեր օրերու աշխարհի քաղաքական հաշիւներուն հետեւանքով շատ ուշացած է արդէն։

Մօտաւորապէս երկու ամիս առաջ մասնակից եղանք Ս. Էջմիածինի դարաւոր կամարներուն տակ գումարուած՝ մեր եկեղեցւոյ Եպիսկոպոսաց Ժողովին, որ երկրորդն էր նորագոյն դարերուն։ Ամենայն Հայոց Վեհափառ Հայրապետին՝ Ն.Ս.Օ.Տ.Տ. Գարեգին Բ. Կաթողիկոսի եւ Մեծի Տանն Կիլիկիոյ Ս. Աթոռոյս գահակալ Ն.Ս.Օ.Տ.Տ. Արամ Ա. Կաթողիկոսի համանախագահութեամբ գումարուած ժողովը յանգեցաւ պատմական որոշումի՝ Ցեղասպանութեան զոհ գացած մեր 1.5 միլիոն նահատակները հաւաքաբար դասել մեր սուրբերուն շարքին։ Սրբադասումը տեղի պիտի ունենայ յառաջիկայ Ապրիլ 23ին, Ս. Էջմիածինի մէջ միացեալ արարողութեամբ մը, որ ի մի պիտի բերէ մեր հոգեւոր, պետական ու քաղաքական ղեկավարները, անոնց շուրջ համախմբելով ողջ հայութիւնը, Հայաստանէն մինչեւ աշխարհի չորս ծագերը։ Հայրենի հողին վրայ, նահատակներուն յիշատակին, պիտի տրուին զանգի 100 հարուածներ, որոնց ղօղանջները պիտի արձագանգեն աշխարհի չորս ծագերուն, պետութեանց ու մարդկութեան յայտարարելու, որ հայ ժողովուրդը չէ մոռցած իր նահատակները, կը յիշէ ու կը պահանջէ իր իրաւունքները։

100-ամեակի “կը յիշեմ եւ կը պահանջեմ” նշանաբանով, մեր պայքարը պիտի շարունակուի։ Մայիսին, երկու Վեհափառ Հայրապետները եւ Հայաստանի հանրապետութեան նախագահը պիտի այցելեն Ուաշինկթըն, յատուկ արարողութիւններով ու ոգեկոչական ձեռնարկներով հնչեցնելու նոյն զանգերը։ Տակաւին, Վատիկանի մէջ եւ այլուր, նահատակներուն կտակին յուշազանգերը օղակ առ օղակ պիտի տարածուին աշխարհով մէկ, շեշտելու համար, որ հայութիւնը վճռած է յաղթահարել բոլոր արգելքները, աննահանջ կերպով ու մինչեւ յաղթանակ շարունակելու համար իր պահանջատիրական երթը։

Ցեղասպանութեան 100ամեակին առիթով, Ս. Աթոռոյս գահակալ Վեհափառ Հայրապետը պիտի կատարէ միւռոնօրհնէքի արարողութիւն, որ տեղի պիտի ունենայ Յուլիս 18ին, Պիքֆայայի մէջ, շուրջ 50 տարի առաջ կանգնած Նահատակաց Յուշարձանին առջեւ։ Այս միւռոնօրհնէքը բոլորիս համար պիտի ըլլայ ուխտագնացութեան եւ նահատակներու կտակին հաւատարմութեան վերահաստատումի նոր առիթ։ Աշխարհի բոլոր շրջաններէն, նաեւ Արեւմտեան մեր Թեմէն, ուխտագնացութիւններ պիտի կազմակերպուին դէպի Պիքֆայա ու Անթիլիաս, որուն Ս. Գրիգոր Լուսաւորիչ Մայր Տաճարին կողքին, կանգուն է նահատակներու աճիւնները պարփակող՝ հայկական Ցեղասպանութեան աշխարհի առաջին Յուշարձան-Մատուռը։ Պիտի ուխտենք, որ պիտի վերականգնենք նաեւ Տէր Զօրի նահատակաց Յուշարձան-Մատուռը, որ անցեալ տարուան ընթացքին թիրախ դարձաւ թրքաբարոյ յարձակումներու եւ ականահարումի հետեւանքով ծանրօրէն վնասուեցաւ։ Ուխտագնացներուն առիթ պիտի ընծայուի այցելելու նաեւ մայր հայրենիք եւ խոնարհելու մեր պատմութեան նորագոյն յաղթամարտներուն ընթացքին ինկած նահատակներուն յիշատակին, անոնց՝ որոնք իրենց կեանքն ու արիւնը զոհաբերեցին Քաջն Վարդան Մամիկոնեանի պէս, իմացեալ մահով միանալով հաւատքի ու ազգի պահպանման համար նահատակուածներու փաղանգներուն։

Ահաւասիկ քանի մը գլխաւոր գիծ այն ծրագիրներէն ու որոշումներէն, որոնք մեզ՝ հայութեան զաւակներս մօտիկ ապագային պիտի դնեն ազնիւ պարտականութիւն մը կատարելու հրամայականին դիմաց։ Բնականաբար Ցեղասպանութեան 100ամեակի յիշատակումը չէ սահմանափակուած միայն յիշուած արարողութիւններով։ Կան նաեւ քաղաքական ու դատական քայլեր, որոնց մասնակից ու զօրակից պիտի ըլլանք ազգովին: Բոլորդ ծանօթ էք, որ Մեծի Տանն Կիլիկիոյ Կաթողիկոսութիւնը, Արամ Ա. Վեհափառի առաջնորդութեամբ, ինչպիսի կարեւոր աշխատանք կը տանի մեր եկեղեցապատկան կալուածներու վերատիրացման նպատակով։ Այդ աշխատանքները շուրջ երկու տարի առաջ նուաճեցին կարեւոր հանգրուան մը, երբ ամերիկեան պետական իշխանութիւնները որոշեցին Թուրքիայէն պահանջել, որ քրիստոնեայ փոքրամասնութիւններու, ներառեալ հայութեան պատկանող եկեղեցական կալուածներ ու աղօթատեղիներ վերադարձուին իրենց սեփականատէրերուն։ Այս ճամբուն վրայ, հայութեան կը սպասէ իւրայատուկ մարտահրաւէր մը։ Ինչպէս յիշեցի քիչ առաջ, մեր կաթողիկոսութիւնը որոշած է դատական հետապնդումի ենթարկել Թուրքիոյ պետութիւնը, պահանջելու համար, որ Սիսի Կաթողիկոսարանը վերադարձուի իրաւատիրոջ։ Այս առաջադրանքը կոչուած է նոր ճամբայ բանալու գործնական քայլերու, որոնց զօրակցելու կոչուած է ողջ հայութիւնը, մասնաւորաբար Սիսի Կաթողիկոսութեան ժառանգորդներս։ Թուրքիոյ պետութեան դէմ դատական հարց յարուցել՝ կը նշանակէ նաեւ նոր մակարդակ ներարկել մեր քաղաքական պայքարին։ Սա բնականաբար կ’ենթադրէ, որ մեր ցարդ տարած բազմամակարդակ հետապնդումները պիտի շարունակուին վերանորոգ թափով ու նոր հորիզոններու հետամտութեամբ, որոնք կը կարօտին մեր բոլորին նիւթաբարոյական նեցուկին:

Սիրելիներ, այս ու նմանօրինակ աշխատանքներ, պայքարի գործնական արտայայտութիւններ, կը կարօտին մէն մի հայու բոլորանուէր ներդրումին, ի՛նչ ասպարէզի ալ որ ծառայէ ան, ո՛ր տարիքին մէջ ալ գտնուի, հայութիւնը կազմող ո՛ր հաւաքականութեան ալ որ մաս կազմէ աշխարհի տարածքին։ Եւ ո՛չ մէկ կասկած, որ բազուկի ուժ, քրտինք ու նիւթական զոհաբերում պահանջող այս աշխատանքներուն պիտի ընդառաջենք միասնաբար, բարերարներով, քաղաքական գործիչներվ թէ պետական մեքենայով։ Մեր նահատակները իրենց գերագոյնը զոհեցին, հետեւելով մեր եկեղեցւոյ հիմնադիր առաքեալներուն ու անոնց Մեծ Ուսուցիչին՝ Քրիստոսի օրինակին։ Մենք ցոյց պիտի տանք, որ արժանի ենք անոնց ժառանգորդները կոչուելու, արժանի ենք քրիստոնեայ ու աւանդապահ հայ կոչումին։

***

Սիրելի հարազատներ, սիրելի անդամներ Ազգային Առաջնորդարանիս մեծ ընտանիքին,

Ցեղասպանութեան 100ամեակը, ինքնին, յուշարար մըն է քրիստոնեայ հայու մեր արժանիքներուն եւ յատկանիշներուն։ Աւելի քան 2000 տարիներ առաջ, համեստ մսուրին մէջ ծնած Յիսուս Մանուկը հաւատքի, սիրոյ, նուիրումի եւ խաղաղութեան պատգամները բերաւ մարդկութեան, յաւիտենական կեանքի խոստումին հետ միասին։ Անոր երկրաւոր կեանքը եղաւ ցնծալի եւ տխուր դէպքերու շարք մը, որ յանգեցաւ մահուան վրայ Անոր տարած յաղթանակով։ Մենք՝ հայերս ալ, դարեր շարունակ հաւատարիմ մնացինք, այսօր ու վաղն ալ հաւատարիմ պիտի մնանք այդ ուղիին։ Դարերու ընթացքին, բազմիցս ապրեցանք մեր գողգոթաները, որոնցմէ ծանրագոյնը տեղի ունեցաւ 100 տարի առաջ։ Յաճախ ինկանք, ունեցանք մարդկային եւ նիւթական հսկայական կորուստներ, մեր մշակոյթը յաճախ փոշիացումի ենթարկուեցաւ, ինչպէս այս օրերուն փճացումի կ’ենթարկուին բազմաթիւ մշակոյթներ։ Սակայն խաչի ճամբան եղաւ մեր ուղեցոյցը, վերստին յարութիւն առինք, հայրենիք ու պետութիւն վերակերտեցինք։ Վաղն ալ նոր յարութիւններ կը սպասեն մեզի։

Այս մտածումներով եւ Ս. Ծննդեան մեզի՛ յատուկ խորհուրդներով, անգամ մը եւս կը շնորհաւորենք բոլորդ։

Կ’աղօթենք, որ Աստուած խաղաղութիւն պարգեւէ աշխարհիս, պետութեանց ու աշխարհի ճակատագիրի տնօրինման մէջ բաժին ունեցող կազմակերպութեանց ղեկավարներուն շնորհէ իմաստութիւն եւ տագնապները ի շահ մարդո՛ւն յաղթահարելու կարողութիւն։ Կ’աղօթենք մանաւանդ Միջին Արեւելքի, մասնաւորաբար Սուրիոյ, Լիբանանի եւ Իրաքի խաղաղութեան վերահաստատման համար, որպէսզի ահաւոր տագնապներու զոհ դարձած անմեղ քաղաքայինները, իսլամ թէ քրիստոնեայ, հայ թէ քոյր եկեղեցիներու զաւակներ, վերականգնեն իրենց կեանքի բնականոն պայմանները, ամոքեն վէրքերը եւ ընդառաջ երթան Ս. Ծննդեան խորհուրդներով մարմնաւորուած պատգամներուն։ Այսօր եւ միշտ՝ յատկապէս յիշենք Սուրիոյ, Լիբանանի եւ Իրաքի մեր հարազատները՝ քոյրերն ու եղբայրները, ազգային հաստատութիւններն ու հայկական կրթօճախները, որոնք կը շարունակեն կենսունակօրէն գործել՝ հակառակ դաժան պայմաններուն, հակառակ արգելակող բոլոր վտանգներուն։

Թող Մանկացեալ Աստուածորդւոյն Ս. Ծնունդը անխառն ցնծութեան առիթ ըլլայ բոլորիս։ Մեծ եւ սքանչելի խորհուրդին շողերը թող լուսաւորեն բոլորիդ օրերը եւ մեզ առաջնորդեն մեր տենչերուն իրականացման։ Թող Փրկչին սէրը, խաղաղութիւնը, մարդոց միջեւ հաճութիւնը առաջնորդեն մեր կեանքը, եւ Արդարութեան Արեւ-Փրկիչը թող յայտնուի մեր սեփական ու հաւաքական ընտանիքներուն մէջ:

“Փառք ի բարձունս Աստուծոյ…”
Շնորհաւոր Նոր Տարի,
Քրիստոս ծնաւ եւ յայտնեցաւ,
Մեծ աւետիս ու պարգեւ մարդկութեան։
Շնորհակալութեան բոլորիդ։

Մուշեղ Արք. Մարտիրոսեան, Առաջնորդ
Ա. Մ. Նահանգներու Արեւմտեան Թեմի

6 Յունուար 2015

 

 

<!–:–>

Close Menu

Categories