Ուրբաթ, 6 Մայիս 2022-ի յետմիջօրէին, Արեւմտեան Թեմի Առաջնորդ՝ Գերշ. Տ. Թորգոմ Ս. Եպս. Տօնոյեան, իր կողքին ունենալով Հոգշ. Տ. Զարեհ վրդ. Սարգիսեանը, ընդունեց այցելութիւնը Հայաստանեայց Առաքելական Եկեղեցւոյ Եկեղեցասիրաց եղբայրակցութեան ներկայացուցիչներու, գլխաւորութեամբ ատենապետ Եղբայր Աւօ Քապաքչուզեանի:
Հանդիպման ընթացքին արծարծուեցան հայ-քրիստոնեայ անհատի կեանքը յուզող հարցեր, ապա իբրեւ այցելութեան գլխաւոր նպատակ՝ հիւրերը խորհրդանշական գումար մը յանձնեցին Սրբազան Հօր, առ ի գործածութիւն մարդասիրական նպատակներու:
