Չորեքշաբթի, 17 Մարտ 2021ին, Արեւմտեան Թեմի Ազգային Առաջնորդարան այցելեց շրջանս հիւրաբար գտնուող Ատրպատականի Հայոց Առաջնորդ՝ Գերշ. Տ. Գրիգոր Ս. Արք. Չիֆթճեան եւ մօտաւորապէս մէկ ժամ տեւողութեամբ եղբայրական հանդիպում-զրոյց ունեցաւ Արեւմտեան Թեմի Առաջնորդ՝ Գերշ. Տ. Թորգոմ Ս. Եպս. Տօնոյեանի հետ: Զոյգ առաջնորդներուն հանդիպումը ընդգրկեց հայրենիքի եւ սփիւռքի գաղութներու ներկայ իրավիճակն ու համայն հայութիւնը յուզող հարցեր:
