Արեւմտեան Թեմի Առաջնորդ՝ Գերշ. Տ. Թորգոմ Ս. Եպս. Տօնոյեան, Կրօնական ժողովը, Ազգ. վարչութիւնն ու Տիկնանց Օժանդակ մարմինը ուրախ են յայտարարելու, որ Տէր եւ Տիկին Ծերոն եւ Սոնա Թիթիզեան ամոլը ստանձնած է «Առաջնորդ Սրբազան Հօր Նոր Տարուան եւ Ս. Ծննդեան աւանդական ընթրիք»ի գլխաւոր հովանաւորութիւնը։
Ձեռնարկը տեղի պիտի ունենայ Ս. Ծննդեան օրը, Ուրբաթ, 6 Յունուար 2023-ի երեկոյեան ժամը 7-ին, Մոնթեպելլոյի Ս. Խաչ Մայր տաճարի Բաղրամեան սրահին մէջ:
Այս առիթով, Առաջնորդ Սրբազանը բարձր գնահատեց Թիթիզեան ամոլը իր ցուցաբերած բարերար հոգիին՝ Ազգ. Առաջնորդարանի նկատմամբ եւ զօրակցութեան՝ Էնսինոյի Ս. Նահատակաց եկեղեցւոյ ծխական համալիրին:
