Կիրակի, 10 Մայիս 2020-ը, Ս. Յարութեան տօնին յաջորդող չորրորդ Կիրակին է, որ տօնն է Երեւման Սուրբ Խաչի։
Ուրախ ենք յայտնելու, որ առաւօտեան ժամը 11-ին, մեր Թեմի բոլոր եկեղեցիներէն ներս Ս. Պատարագ պիտի մատուցանուի եւ ուղղակի պիտի սփռուի իւրաքանչիւր եկեղեցւոյ դիմատետրի էջէն։
Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան պիտի հանդիսապետէ Էնսինոյի Ս. Նահատակաց եկեղեցւոյ Ս. Պատարագին։
Արարողութիւնները պիտի շարունակուին կատարուիլ առանց հաւատացեալներու ներկայութեան, մինչեւ պետական սպասարկութիւններու կողմէ թելադրուած ուղղութիւնները վերացուին։
