Հինգշաբթի, 10 Նոյեմբեր 2022-ին, Արեւմտեան Թեմի Առաջնորդ՝ Գերշ. Տ. Թորգոմ Ս. Եպս. Տօնոյեան, այցելեց Կլենտէյլի մէջ գործող Ազգ. Ռ. Թիւֆէնքեան մանկապարտէզ- մանկամսուր, ընկերակցութեամբ Կրօնական ժողովի եւ Ազգ. վարչութեան անդամներու:
Առաջնորդ Սրբազանը ընդունուեցաւ մանկամսուր-մանկապարտէզի վարիչ Լորէթ Աւաննէսեանի, Ուսումնական եւ ծնողական մարմիններու ներկայացուցիչներու, ուսուցիչներու եւ աշակերտներու կողմէ: Այս առիթով, Թորգոմ Եպիսկոպոս շրջեցաւ բոլոր դասարանները՝ հաճելի ու օգտաշատ մթնոլորտի մէջ զրուցեց փոքրիկ աշակերտներուն հետ, ապա մօտէն հաղորդ դարձաւ ազգային կառոյցի նոր ծրագիրներուն:
Կէսօրին, Առաջնորդ Սրբազանը սեղանակից դարձաւ փոքրիկներուն, մինչ անոնք ճոխացուցին պահը գեղարուեստական կոկիկ յայտագիրով մը:
