Skip to main content
search
Գլխաւոր Լուրեր

Բողոքի Ցոյց Ազրպէյճանի Բռնութեան Դէմ

By July 22, 2020June 3rd, 2024No Comments

Հ.Յ.Դ. Հայ Երիտասարդաց Դաշնակցութեան Արեւմտեան Շրջանի Կեդրոնական Վարչութեան նախաձեռնութեամբ, Երեքշաբթի, 21 Յուլիս 2020-ին, հազարաւոր հայորդիներ եւ զօրակիցներ համախմուեցան Լոս Անճելըսի Ազրպէյճանի հիւպատոսարանին առջեւ, դատապարտելով Ազրպէյճանի կողմէ Հայաստանի դէմ սանձազերծուած ու ցայսօր շարունակուող յարձակումները։ Խօսք առին Հայ Դատի Միացեալ Նահանգներու յանձնախումբի ատենապետ՝ Տիար Րաֆֆի Համբարեան եւ Հայ Երիտասարդաց Դաշնակցութեան ներկայացուցիչներ։

Յանուն Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի, ցոյցին ներկայ եղաւ Արժ. Տ. Ղեւոնդ Քհնյ. Քիրազեան։

Ինչպէս Կիրակի, 19 Յուլիսին, Այլակերպութեան տօնի պատգամին մէջ Առաջնորդ Սրբազանը զօրակցութիւն յայտնած էր Հայոց Բանակին, ան անգամ մը եւս զայն վերահաստատեց նշելով. «Կ’աղօթենք մեր հերոս զինուորներու ապահովութեան եւ անվտանգութեան, որոնք մեր նուիրական հողերն ու սահմանները կը պաշտպանեն, ինչպէս նաեւ՝ մեր հայրենիքի խաղաղութեան եւ կայունութեան համար։ Կ’օրհնենք եւ կը գնահատենք մեր երիտասարդութիւնը, որ միշտ հայրենասիրութեան կանչին ընդառաջ եւ պահանջատիրութեան ոգիով զսպանակուած իր ձայնը կը բարձրացնէ ի խնդիր արդարութեան եւ խաղաղութեան հաստատման՝ ազատ, անկախ եւ միացեալ Հայատանի տեսլականով»։

Close Menu

Categories