Կիրակի, 13 Սեպտեմբեր 2020-ին, Հայց. Առաքելական Եկեղեցին պիտի նշէ Խաչվերացի տօնը, որ նաեւ անուանակոչութեան օրն է Մոնթեպելլոյի Ս. Խաչ Մայր Տաճարին։
Այս առիթով, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան Ս. Պատարագ պիտի մատուցանէ եւ իր պատգամը պիտի փոխանցէ Ս. Խաչ Մայր Տաճարին մէջ։ Յաւարտ Ս. Պատարագի, Առաջնորդ Սրբազանը պիտի կատարէ ռեհանի եւ մատաղի օրհնութիւն։ Արարողութեան աւարտին, կէսօրէ ետք ժամը 1-ին, հաւատացեալները առիթը պիտի ունենան իրենց ինքնաշարժներուն մէջ ստանալու օրհնուած մատաղէն։
Իսկ Առաջնորդական փոխանորդ Գերշ. Տ. Թորգոմ Եպս. Տօնոյեան պիտի պատարագէ, քարոզէ եւ ռեհանի օրհնութիւն կատարէ Սան ֆրանսիսքոյի Ս. Գրիգոր Լուսաւորիչ եկեղեցւոյ մէջ։
