Skip to main content
search
Գլխաւոր Լուրեր

Հայրենի Բեմադրիչ Ջիւան Աւետիսեան Այցելեց Ազգ. Առաջնորդարան

By October 28, 2022May 30th, 2024No Comments

Չորեքշաբթի, 27 Հոկտեմբեր 2022-ի յետմիջօրէին, Արեւմտեան Թեմի Առաջնորդ՝ Գերշ. Տ. Թորգոմ Ս. Եպս. Տօնոյեան ընդունեց այցելութիւնը եօթներորդ արուեստի հայրենի բեմադրիչ Ջիւան Աւետիսեանի, որ երկրորդ տարին ըլլալով ժամանած է Լոս Անճելըս՝ «Դրախտի դարպաս» (“Gate to Heaven”) կոչուող իր ժապաւէնին դիտումը իրականացնելու նպատակով: Ֆիլմը քաղուած է արցախեան քառօրեայ պատերազմի օրերու անցուդարձերէն եւ կը ներկայացնէ իւրայատուկ պատմութիւն մը:

Բեմադրիչ Աւետիսեան պաշտօնապէս հրաւիրեց Առաջնորդ Սրբազանը, որ ներկայ ըլլայ «Դրախտի դարպաս»ի դիտումին, Հինգշաբթի, 3 Նոյեմբերի երեկոյեան, Կլենտէյլի Ամերիքանա առեւտրական կեդրոնի AMC սրահին մէջ:

Հանդիպման ընթացքին Առաջնորդ Սրբազան Հայրը բարձր գնահատեց բեմադրիչ Աւետիսեանի՝ ֆիլմարուեստի ճարտարարուեստին մէջ հայ ազգի ու հայրենիքի գոյութենական հարցերը լաւապէս դրսեւորելուն համար եւ այս առիթով կոչ կ՛ուղղէ շրջանի հայորդիներուն, որ իրենց կարգին ներկայ ըլլան «Դրախտի դարպաս»ի դիտումներուն, քաջալերեն հայրենի երիտասարդ բեմադրիչը եւ անոր գործերուն ընդմէջէն հաղորդ դառնան հայութեան պատմութեան ու պայքարի աննկուն ոգիին:

Close Menu

Categories