Skip to main content
search
Գլխաւոր Էջ (Lուրեր)Գլխաւոր էջ (Լուրերու լուսարձակ)Գլխաւոր ԼուրերԼուրերու լուսարձակ

Առաջնորդ Սրբազանը Ընդունեց Տ. Յովնան Արք. Տէրտէրեանի Շնորհաւորական Այցելութիւնը

By June 11, 2024June 18th, 2024No Comments

Չորեքշաբթի, 5 Յունիս 2024-ի առաւօտեան, Ա.Մ.Ն. Արեւմտեան Թեմի Առաջնորդ՝ Գերշ. Տ. Գեղամ Ս. Արք. Խաչերեան ընդունեց շնորհաւորական այցելութիւնը Ա.Մ.Ն. Արեւմտեան Թեմի Առաջնորդ՝ Գերշ. Տ. Յովնան Ս. Արք. Տէրտէրեանի, որուն կ՛ընկերակցէին Հոգշ. Տ. Երեմիա Վրդ. Աբգարեան եւ Արժ. Տ. Խաժակ Քհնյ. Շահպազեան:

Քրիստոսով եղբայրացած առաջնորդներու հանդիպումը անցաւ մտերմիկ մթնոլորտի մէջ. արծարծուեցան հայ կեանքը յուզող հարցեր եւ փոխանակուեցան միտքեր, որոնց առանցքը հանդիսացան յաւելեալ գործակցութեան համար նոր հասարակ յայտարարներ գտնել եւ Միացեալ Նահանգներու տարածքին հայկական ներկայութիւնը աւելի եւս ամրապնդել յատկապէս հոգեւոր, ազգային, մշակութային եւ մարդասիրական մակարդակներու վրայ:

Գեղամ Արքեպիսկոպոս շնորհակալութեամբ ընդունեց Յովնան Արքեպիսկոպոսի շնորհաւորութիւններն ու Արեւմտեան Թեմի առաջնորդական ծառայութեան մէջ յաջողութեան մաղթանքները եւ, փոխադարձաբար, անոր մաղթեց յաւելեալ ուժ, կորով եւ տոկունութիւն իր հովուական առաքելութեան մէջ:

Close Menu

Categories