Արեւմտեան Թեմի Առաջնորդ՝ Գերշ. Տ. Գեղամ Ս. Արք. Խաչերեանի նախագահութեամբ, Չորեքշաբթի, 25 Փետրուար 2026-ի երեկոյեան, Ազգային Առաջնորդարանի Տիգրան եւ Զարուհի Տէր Ղազարեան սրահին մէջ տեղի ունեցաւ Հիմնահարցեր եւ Հանգրուաններ՝ Արեւմտեան Հայաշխարհի Կազմաւորումին մէջ նիւթով կլոր սեղան, գլխաւոր բանախօսութեամբ՝ Դոկտ. Տիկին Սեդա Տատոյեանի (Նիւ Եորքէն):
Կլոր սեղանին ներկայ եղան խումբ մը հրաւիրեալներ (մտաւորական, տնօրէն, դասախօս, խմբագիր, գրող եւ լրագրող), որոնց շարքին՝ Կլենտէյլի Ս. Աստուածածին եկեղեցւոյ Հոգեւոր տեսուչ՝ Գերպ. Տ. Զարեհ Ծ. Վրդ. Սարգիսեան:
Կլոր սեղանին նիւթը հանրութեան պիտի տրամադրուի Փրոֆ. Տատոյեանի հեղինակութեամբ եւ Ազգային Առաջնորդարանի հրատարակութեամբ իրականացուող Մատենաշարով, որ ցարդ լոյս ընծայած է երկու հատոր, առաջինը՝ Ս. Ներսէս Շնորհալիի նուիրուած, երկրորդը՝ Ս. Յովնան Օձնեցիի, իսկ երրորդը, որ ամէնէն ծաւալունն է, կը ներկայացնէ Արեւմտահայ աշխարհի առաջին հանգրուանի քաղաքական եւ մշակութային կեանքի պատկերը (10-15րդ դար):
